الشاعر بشرى إبراهيم يرد على منتقديه بشأن زيارة الجنينة

رد الشاعر بشرى إبراهيم؛ على الانتقادات التي وجهت اليه؛ بشأن زيارته إلى مدينة الجنينة عاصمة ولاية غرب دارفور؛ للمشاركة في مهرجان السلام؛ وظهوره إلى جانب لافتة تحمل عبارة (كلنا حميدتي)؛ وقال بشرى في منشور بالفيسبوك:
احبابي القراب مني
السلام عليكم ورحمة الله
توضيح بسيط مع ضعف الشبكه
جاني تلفون يوم الخميس بالليل اعلامي من الخرطوم
الحبيب بشري حبابك
ياخي كل قبايل الجنينه عملو صلح عام واتفقوا يرمو السلاح ويوقفو الدم
وانت شاعر عرفناك مسخر شعرك لنبذ القبليه والجهوية والعنصرية
والناس ديل عاملين احتفال كبير في الاستاد
طيب معاي منو ؟؟
قالي معاك الهلال والمريخ وفرقة فضيل وفرقة الاصدقاء ومكارم بشير وعمر احساس
قلت ليهو الكلام دا متين قالي باكر ٦ صباح
قلت ليهو انا اخو التعايش السلمي قدام يا زول
هي طبيعة اهل السودان الصلح لو القتيل زول واحد بمشوا ليهو الالاف الناس وينحرو الإبل ويزبحو الضأن
خلي قباااايل يتقاتلو بالسنين
علي الطلاق لا جاب لي سيرة شخص لا قالي بكون لي شأن
وعلي الطلاق ولااااا قلت ليهو بي كم وحتي كتابة هذا المنشور انا م عارف شغال بكم
اللهم جزء عزيز من الوطن بدأ يتعافى وماشي اشجعهم
في رأيي اهل الجنينه الغبش من حقهم يشاهدو القمة ويسمعوا مكارم ويشاهدوا فضيل
وفعلا
اقسسسسم بالله طربو وفرحو بينا فرح لمن بكو وبكونا معاهم
والله والله والله لمن طلعونا بعربات الشرطة كترة صور وسماحة ناس وحفاوه
ودا الجابنا من هناك
ام حكاية اللافته دي والله والله والله اللافته زاااااته م شفتها الا في الفيس مش المكتوب اللافته زاته م شفتها ولو شفتها معناها انا يا احوص يا جرادة وشوف انا جاييها بي وين
نازلين من الطياره استقبلتنا كل الجنينه بحفاوة اهل الولايات في المطار مرينا علي طابور طويل جدا فيه عشرات اللافتات وماشيييين وبتصورو معانا وكالعاده نحن هازين علي كل الناس