هسي ماشين ع المكتب اشروا لينا 2 عسكري عشان يتقدموا معانا وقفنا ليهم و أول ما ركبوا بعد السلام عليكم قالوا لينا (كيفكم يا أهلنا)😇
حقيقة كلمة جميلة والأجمل طريقة قولتها الكانت بي كل بشاشة وعفوية ودي من اجمل صفات الشعب السوداني الإنسجام العفوي بين كل مكوناتو (عسكري/ مدني) رغم الإختلاف الوظيفي اللي هو إختلاف تكاملي وليس تراتبي تفضيلي !!
الحاجة دي بنلاحظها كتير في المناسبات والجيران في الحلة مستحيل تفرز منو الضابط ومنو الطبيب أو التاجر إلا وقت الشغل لمن يلبسوا (اليونيفورم)
انا بستغرب من دعاوى بعض الناس البقيفوا مع العساكر ضد المدنيين أو بقيفوا مع المدنيين ضد العساكر دة زي شغل (الفيمنيزم) والطلس بتاع المنظمات النسوية اللي بيعتبرن الرجل عدوهن اللدود – قمة السذاجة والسطحية !!! وكرد فعل اكثر سطحية بعض الرجال برضوا بقوا يعملوا منظمات ذكورية !!!
إذا كان متلازمة (شيوعي/كوز) وصلتنا المرحلة البائسة دي فمتلازمة (عسكري/مدني) حتودينا مرحلة أبعد من كدة وأكثر بؤساً !!!
أكبر فتنة ممكن تحصل وعواقبها وخيمة جداً هي الفتنة بين مكونات أجهزة الدولة سيما السيادية !! دي فتنة أكبر من العنصرية زاتها لأنو في ظل إستقرار الدولة ممكن تساهم في علاج العنصرية أما العكس مستحيل ,في ظل إنهيار الدولة ما ممكن تعالج أي حاجة !!!
عشان كدة انا بعتقد انو في جهة ( ما ) بتغذي النفس العدائي دة لإحداث إنهيار شامل وكامل للسودان !!! ما بقول #أصحىياترس
بل #أصحىياوعي
عسكري بلا مدني = دولة فاشلة !!
مدني بلا عسكري = دولة ضعيفة !!
عسكري + مدني = دولة ناجحة وقوية